புதன், 2 செப்டம்பர், 2009

Excel சூத்திரங்கள் பாகம்-1

எல்லோரும் எழுதுவதைப் பார்த்து ஒரு வேகத்தில் நானும் ஒரு வலைப்பூவைத் தொடங்கினேன். மனதில் பட்டதையெல்லாம் எழுதி இதோ இந்த எனது 25 ம் பதிவுக்கு வந்து விட்டேன்.

இந்த நேரத்தில் நான் இருவருக்கு நன்றி சொல்ல கடமைப்பட்டுள்ளேன். வலைப்பூவை வடிவமைக்க ஆலோசனைகள் வழங்கிய அன்புச் சகோதரி திருமதி சுமஜ்லா அவர்களுக்கு என் முதல் நன்றி.


அடுத்ததாக பின்னூட்டங்களால் எனக்கு உரமிட்டு என் எழுத்துக்கு ஆக்கமும் ஊக்கமும் தொடர்ந்து கொடுத்து வரும் நண்பர் துபாய்ராஜா அவர்களுக்கு என் நெஞ்சார்ந்த நன்றிகள் பற்பல.

MS Office Excelலில் உள்ள சூத்திரங்களைப் பற்றி மட்டும் இந்த பதிவு.எல்லாம் தெரிந்தவனில்லை நான், இருப்பினும் எனக்குத் தெரிந்தவற்றை பற்றி மட்டும் இதில் சொல்கிறேன்.ஆங்காங்கே வரும் ஆங்கில வார்த்தைகளுக்கு தயவு செய்து மன்னிக்கவும்.


முதலாவதாக LEFT,RIGHT & MID இவற்றின் பயன்பாடுகளைப் பார்ப்போம்.

முதலில் LEFT

ஒரு textல் இடது ஓரம் உள்ள charactorsஐ கண்டறிய இது பயன்படும்.

=left(text,no of charactors) இது சூத்திரம் கீழே உள்ள மாதிரியைக் காண்க.இதில உள்ள Drawing #யில் இடது புறம் உள்ள "P" மட்டும் நமக்குத் தேவையென்றால் சூத்திரம் ஃபார்முலா பாரில் உள்ளவாறு எழுதவேண்டும்.

அடுத்தது RIGHT

ஒரு textல் வலது புறம் உள்ள charactors களை கண்டறிய


=right(text,no of charactors) இது சூத்திரம் கீழே உள்ள மாதிரியைக் காண்க.இதில உள்ள Drawing #யில் வலது புறம் உள்ள 02 மட்டும் நமக்குத் தேவையென்றால் சூத்திரம் ஃபார்முலா பாரில் உள்ளவாறு எழுதவேண்டும்.



அடுத்தது MID


ஒரு textல் மையத்தில் உள்ள charactors களை கண்டறிய


=mid(text,start no,no of charactors) இது சூத்திரம் கீழே உள்ள மாதிரியைக் காண்க.இதில உள்ள Drawing #யில் வலது புறம் உள்ள AA மட்டும் நமக்குத் தேவையென்றால் சூத்திரம் ஃபார்முலா பாரில் உள்ளவாறு எழுதவேண்டும். இதில் நமக்கு வேண்டிய AA textல் 7வது இடத்தில் ஆரம்பிக்கிறது. AA எனும் 2 charactors நமக்குத்தேவை.


அடுத்தது RIGHT & LEFT (COMBINED FORMULA)


MID சூத்திரத்திற்குப் பதிலாக மையத்தில் இருக்கும் charactorsகளை கண்டறிய இந்த RIGHT&LEFT சூத்திரம் பயன்படும்.உதாரனத்திற்கு P-8421AB-H-0011-02 இந்த textல் 8421AB மட்டும் தேவைப்படுவதாக கொள்வோம். இது தோராயமாக வலது புறம் உள்ளது. கீழ்கண்ட ஃபார்முலா பாரில் உள்ள சூத்திரத்தினை கவனிக்கவும். இதில் =left(B4,8) எனும் சூத்திரத்தால் நமக்கு P-8421AB எனும் 8 charactors கொண்ட விடை கிடைக்கும் இதில் நமக்குத்தேவையான 8421AB எனும் 6 charactors இப்போது வலதுபுறம் உள்ளது(P-8421ABல்) எனவே நமது சூத்திரம் பின்வருமாறு அமைகிறது.


=RIGHT(LEFT(B4,8),6)


இனி LEFT & RIGHT (COMBINED FORMULA)


இதுவும் முன் சொன்னது போல்தான். மையத்தில் வலது ஓரமாக உள்ள charactors களை கண்டறிய பயன்படும்.உதாரனமாக கீழ்கண்ட இந்த P-8421AB-H-0011-02 textல் வலது ஓரமாக உள்ள 0011 மட்டும் தேவை எனில் அதற்கான சூத்திரம் பின்வருமாறு அமைய வேண்டும்.


=right(B4,7) இந்த சூத்திரத்தால் நமக்கு விடை இப்படி கிடைக்கும். 0011-02 இதில் இடது ஒரம் உள்ள 4 charactors மட்டும் நமக்குத்தேவை எனவே சூத்திரம் இப்படி அமைய வேண்டும்.


=left(right(B4,7),4)




அடுத்தது MID & FIND MEGA FORMULA

ஒரு textல் இரு குறிப்பிட்ட charactorகளுக்கிடையேயுள்ள charactors மட்டும் வேண்டுமெனில் இந்த சூத்திரம் மிக உபயோகமாக இருக்கும்.கீழே உள்ள அட்டவனையில் மூண்று drawing # உள்ளது.இதில் இரண்டாவது ஐபின் (-)னுக்கும் மூண்றாவது ஐபின்னுக்கும் இடையே உள்ள charactors மட்டும் தேவை என வைத்துக்கொள்வோம். இதற்கு =mid(B4,10,3) எனும் சூத்திரம் மூலம் cwr எனும் விடையை பெறலாம். ஆனால் இதே சூத்திரத்தை அடுத்த drawing # க்கு போட்டால் விடை H-0 என வரும். அதிகபட்சமான encodingல் இதுபோல ஒவ்வொன்றுக்கும் சூத்திரத்தை மாற்றிக் கொண்டிருக்க முடியாது. எனவேதான் கீழ்கண்ட பொதுவான சூத்திரத்தை பயன்படுத்த வேண்டும்.
=MID(B4,FIND("-",B4,(8))+1,FIND("-",B4,(11))-(FIND("-",B4,(8))+1)) இதில் FIND("-",B4,(8))+1 என்பது starting noக்கான சூத்திரம் எஞ்சியுள்ளது no of charactors க்கான சூத்திரம்.கீழே உள்ள படத்தினை சொடுக்கி பெரிதாக்கிப் பார்க்கவும்.



LEFT, LEN & FIND MEGA FORMULA

இதுவும் ஒரு மெகா சூத்திரம். இதன் மூலம் ஒரு textல் ஒரு குறிப்பிட்ட charactorருக்கு முன் புறம் அதாவது இடது புறம் உள்ள charactorsகளை பிரித்து எழுத இது பயன்படும். இதில் LEN என்பது ஒரு textன் மொத்த நீளத்தினை காட்ட பயன்படும் சூத்திரம். கீழே உள்ள படத்தினைப் பார்க்கவும்.

RIGHT, LEN & FIND MEGA FORMULA
இதுவும் ஒரு மெகா சூத்திரம். இதன் மூலம் ஒரு textல் ஒரு குறிப்பிட்ட charactorருக்கு பின் புறம் அதாவது வலது புறம் உள்ள charactorsகளை பிரித்து எழுத இது பயன்படும். இதில் LEN என்பது ஒரு textன் மொத்த நீளத்தினை காட்ட பயன்படும் சூத்திரம். கீழே உள்ள படத்தினைப் பார்க்கவும்.


இத்துடன் இந்த பதிவை முடித்துக் கொண்டு இனி வரும் பதிவுகளில் இன்னும் நிறைய சூத்திரங்களோடு வருகிறேன். வணக்கம்.










6 கருத்துகள்:

தங்கராசு நாகேந்திரன் சொன்னது…

வாக்களித்த வள்ளல்கள்
suthanthira menporul,Vallipuram,vanniinfo,Paarvai,Suthir 1974,easylife,cmcstudent,kosu,arasu 08 ஆகிய
உங்கள் அனைவருக்கும் நெஞ்சார்ந்த நன்றிகள் பல.

இளங்குமரன் சொன்னது…

நல்ல விளக்கம். மிக்க நன்றி. அடுத்த பாகம் எப்போது?

பா. வேலன் சொன்னது…

உண்மையிலே நிறையபேருக்கு எக்சல்-ல நிறைய ஃபார்முலா தெரியாது, இந்த மாதிரி நீங்க உதவி செய்றதுக்கு என்னோட நன்றியை உங்களுக்கு தெரிவிச்சிக்கிறேன்....

bahurudeen சொன்னது…

mika arumaiyaana pathivu mattumalla payanuLLa pathuvum kuda thodarungkal.

nanri

தங்கராசு நாகேந்திரன் சொன்னது…

வாங்க இளங்குமரன் சீக்கிரமே அடுத்த பதிவ போட்டுறேன்.

வாங்க பா.வேலன் உங்க கருத்துக்கும் வருகைக்கும் நன்றி

வாங்க பக்ருதீன் உங்க ஊக்கம் என்னை மேலும் தொடர்ந்து எழுத வைக்கும் நன்றி

subagini சொன்னது…

Hi Ilangkumaran
nice page. Thanks for your explanation.
Great site.

suba

கருத்துரையிடுக

ஏதாவது சொல்லிட்டு போங்க